Napofenum

ТИББИЁТДА ҚЎЛЛАНИЛИШИГА ДОИР ЙЎРИҚНОМА
НАПОФЕНУМ
NAPOFENUM

 

Препаратнинг савдо номи: Напофенум
Таъсир этувчи модда (ХПН): непафенак
Дори шакли: кўз томчилари суспензияси
Таркиби:
1 мл препарат эритмаси қуйидагиларни сақлайди:
фаол модда: непафенак – 1,0 мг;
ёрдамчи моддалар: натрий хлориди, карбомер, тилоксапол, динатрий эдетати, маннитол, бензалконий хлориди, натрий гидроксиди ёки хлорид кислотаси, инъекция учун сув.
Таърифи: оч сариқ рангдан оч олов ранггача булган бир жинсли суспензия.
Фармакотерапевтик гуруҳи: ностероид яллиғланишга қарши воситалар.
АТХ коди: S01BC10

Фармакологик хусусиятлари
Фармакодинамикаси
Непафенак ностероид яллиғланишга қарши ва оғриқ қолдирувчи дори воситаси ҳисобланади. Кўзга маҳаллий қўлланилгандан кейин, непафенак кўзнинг шох пардасига сингиб бориб, кўз тўқимасининг гидролазалари таъсирида, ностероид яллиғланишга қарши восита амфенакка айланади. Амфенак простагландинни ишлаб чиқарилиши учун лозим бўлган Н простагландин синтетаза (циклооксигеназа), ферментининг таъсирини ингибирлайди.
Гидролитик трансформациянинг асосий қисми кўз тўкималарини қон томирлари билан таъминланганлик даражасига боғлиқ равишда камалак парда/киприкчасимон тана ва кўзнинг шох пардасидан кейин кўзнинг тўр пардасида/томирли пардасида юз беради.
Клиник тадқиқотлар натижалари НАПОФЕНУМ кўз томчилари кўзнинг ички босимига жиддий таъсир қилмаслигини кўрсатади.

 

Фармакокинетикаси
Сўрилиши
НАПОФЕНУМ кўз томчиларини кунлик дозаларда иккала кўзга уч марта томизилгандан кейин, кўпчилик шахсларда томизилгандан кейин мувофик равишда 2 ва 3 соат давомида қон плазмасида непафенак ва амфенакнинг паст, лекин микдорий жихатдан аниқлаб бўладиган концентрациялари кузатилган. Непафенак ва амфенак учун қон плазмасида Смах нинг ўртача барқарор кўрсаткичи, кўзга томизилгандан кейин мувофик равишда 0,310±0,104 нг/мл ва 0,422±0,121 нг/мл ни ташкил қилган.
Тарқатилиши
Амфенак зардоб альбуминининг протеинларига нисбатан юқори аффинликка эга. In vitro тадқиқотларда каламуш альбумини, одам альбумини ва одам зардоби билан боғланиши мувофиқ равишда 98,4%, 95,4% ва 99,1% ташкил қилган.
Биотрансформацияси
Непафенак кўз ички гидролазалари таъсирида амфенакка нисбатан тез биоактивацияланади. Кейинчалик, амфенак кенг метаболизмга учрайди ва шу жумладан ароматик халқани гидроксилланиши натижасида кўп сонли поляр метаболитлар ҳосил қилиб, глюкурониднинг мураккаб бирикмасини ҳосил бўлишига олиб келади.
β-глюкуронидазани гидролизидан олдин ва кейинги радиоцион хроматографик таҳлиллар шуни кўрсатадики, амфенакдан ташқари барча метаболитлар глюкурониднинг мураккаб бирикмалари кўринишида қолишган. Амфенак қон плазмасида асосий метаболит ҳисобланиб, плазмадаги умумий радиоактив моддаларнинг тахминан 13% ни ташкил этган. Плазмадаги иккинчи кенг таркалган метаболити сифатида 5-гидрокси непафенак аниқланган бўлиб, плазмадаги Сmах умумий радиоактив меддаларнинг тахмикан 9% ни ташкил этган.
Организмдан чиқарилиши
Соғлом кўнгиллилар томонидан 14С – непафенак оғиз орқали қабул қилинганидан кейин, сийдикда тахминан 85% ни ташкил этувчи радиоактив моддаларни асосий чиқарилиш йули топилган бўлиб, айни пайтда аҳлатда дозанинг тахминан 6% аниқланган. Непафенак ва амфенакни сийдикда микдорий жихатдан аниқлашнинг иложи бўлмади.
НАПОФЕНУМ кўз томчисининг бир марталик дозасидан кейин катарактани олиб ташлаш операциясини ўтказган 25 пациентда, кўз суюқлигининг концентрацияси томизилгандан кейин 15, 30, 45 ва 60 дақиқаларда аниқланди. Кўз суюқлигининг максимал ўртача концентрацияси 1 соатдан кейин (непафенак 177 нг/мл, амфенак 44,8 нг/мл) кўзатилади. Бу маълумотлар препаратни кўзнинг шох пардасига тез ўтишини кўрсатади.

 

Қўлланилиши
– катарактани олиб ташлаш юзасидан операция билан боғлиқ, операциядан кейинги оғриқ ва яллиғланишни олдини олиш ва даволашда буюрилади;
– қандли диабети бўлган беморларда катарактани олиб ташлаш юзасидан операция билан боғлиқ, операциядан кейинги кўз туби сариқ доғини шиш хавфини камайтиришда буюрилади.

 

Қўллаш усули ва дозалари
Катталарда, шу жумладан кексаларда кўлланилиши
Оғрик ва яллиғланишни олдини олиш ва даволаш учун НАПОФЕНУМ кўз томчиларининг 1 томчисини ташкил қилувчи дозасини шикастланган кўзнинг конъюнктива бўшлиғига 3 марта катаракта операциясидан бир кун олдин бошлаб, операция куни, операциядан кейин биринчи 2 хафта давомида давом эттириб, хар куни томизлади. Шифокорнинг кўрсатмасига биноан даволаш яна операциядан кейин биринчи 3 хафтагача узайтирилиши мумкин. Қўшимча томчи операциядан 30-120 дақиқа олдин қўлланилади.
Қандли диабети бўлган беморларда катаракта операцияси билан боғлиқ операциядан кейинги кўз туби сариқ доғини шиш хавфини камайтириш учун НАПОФЕНУМ кўз томчисининг бир томчисини ташкил қилувчи дозасини шикастланган кўзнинг конъюнктива бўшлиғига 3 марта шифокорнинг кўрсатмасига мувофик катаракта операциясидан бир кун олдин бошлаб, операция куни, операциядан кейин 60 кун давомида давом эттириб, хар куни томизилади. Қўшимча томчи операциядан 30-120 дақиқа олдин қўлланилади.
Болаларда қўлланилиши
НАПОФЕНУМ кўз томчиларининг болаларда қўлланилиши хавфсизлиги ва самарадорлиги аниқланмаган. Маълумотлар йуқ. Болаларда кўллаш буйича кўрсатмаларда НАПОФЕНУМ кўз томчиларини тегишли кўлланилиши туғрисида маълумотлар йук.
Жигар ва буйрак шикастланишида қўлланилиши
НАПОФЕНУМ кўз томчилари жигар касалликлари ёки буйрак етишмовчилиги бўлган беморларда текширилмаган. Непафенак асосан биотрансформация йули билан чиқарилади ва шунинг учун кўзга маҳаллий томизилганидан кейин тизимли таъсири жуда пастлигича қолади. Бундай беморларда дозага тузатиш киритиш тасдикланмаган.
Кўзга қўллаш учун мўлжалланган.
Беморларга, кўллашдан олдин флаконни яхшилаб чайкатиш лозимлигини айтиш керак.
Агар биттадан ортиқ кўз препарати кўлланилаётган бўлса, унда дори воситалари бир-биридан алохида, камида 5 дақиқалик интервал билан қўлланилади. Кўз суртмаларини охирги навбатда қўллаш керак.
Пипетка учи ва эритмани ифлосланишини олдини олиш учун, флаконнинг пипеткаси учини кўз қовоғига, ўраб турувчи сохалар ёки қолган юзларга тегишига йўл қўймаслик лозим. Беморларга, флакон агар қўлланилмаса, флаконни зич ёпилган холда сақлаш лозимлигини айтиш керак.

 

Ножўя таъсирлари
Қуйидаги ноҳуш таъсирлар даволаш билан боғлиқ бўлиб ва қуйидаги ҳолатга кўра таснифланган: жуда тез-тез (≥ 1/10), тез-тез (≥1/100 дан<1/10 гача), тез-тез эмас (≥1/1000 дан <1/100 гача), кам (≥1/10000 дан <1/1000 гача) ёки жуда кам (<1/10000) ёки номаълум (мавжуд маълумотлар асосида баҳолашнинг иложи йўқ). Ҳар бир гуруҳлаш частотаси салбий таъсирлар зўравонликнинг пасайиши тартибида келтирилган. Ножўя реакциялар клиник синовларидан олинган.
Иммун тизимини бузилишларида: жуда кам ҳолатларда: юқори сезувчанлик
Асаб тизимини бузилишларида: жуда кам ҳолатларда: бош оғриғи; номаълум: бош айланиши.
Кўз касалликларида: жуда кам ҳолатларда: кератит, ирит, хориоидал соҳага сув йиғилиши, шох пардада қатламлар, кўзда оғриқ, ёруғликка қарай олмаслик, кўзда нохушлик, кўришни хиралашиши, кўзни қуриши, кўздаги ажралмалар, аллергик конъюнктивит, кўзни қичишиши, кўзда ёт жисм ҳисси, қовоқ четида пустлоқ ҳосил бўлиши, кўз ёш ажралишини ошиши, конъюнктивал гиперемия; номаълум: тикланишни (шох пардани) бузилиши, шох парданинг эпителийсини нуқсони, шох пардани хиралашиши, шох парданинг чандиғи, кўриш ўткирлигининг сусайиши, кўзни таъсирланиши, кўзни шиши.
Меъда ичак фаолияти бузилиши: жуда кам ҳолатларда: кўнгил айниши.
Тери ва тери ости копламаларини бузилиши: жуда кам ҳолатларда: терини бўшашиши (Алибер дерматолизи).
Тадқиқотлар: номаълум: қон босимини ошиши.
Кандли диабети бўлган беморларда кўздаги ножуя реакциялар, умумий аҳоли қисмида кузатилганига караганда кўпроқ юз бериши мумкин.
Шох парда эпителийсини бузилиш белгилари бўлган беморлар, НАПОФЕНУМ кўз томчиларини кўллашни дархол тўхтатишлари лозим ва шох парданинг холатини синчков мониторингини ўтказиш лозим.
Қандли диабети бўлган беморларга катаракта юзасидан операциясидан кейин кўз туби доғини шишини олдини олиш учун непафенак буюрилса, унда кўшимча хавф омилини бўлиши фойда/хавф прогнозини қайта баҳолаш ва беморни яхшилаб кузатиш билан кечиши лозим.

Кўллаш мумкин бўлмаган ҳолатлар
Таъсир этувчи моддага, кайсидир тўлдирувчига ёки бошқа ностероид яллиғланишга қарши воситаларга (НЯҚВ) юқори сезувчанлик.
Бошка НЯҚВ каби, НАПОФЕНУМ кўз томчиларини ҳам, астма хуружи, эшакеми ёки ўткир ринит ацетилсалицил кислотаси ёки бошқа НЯҚВ таъсиридан кучаядиган беморларда қўллаш мумкин эмас.

Дориларнинг ўзаро таъсири
In vitro тадқиқотлар бошка тиббий препаратлар билан ўзаро таъсири ва оқсилни боғлаш билан боғлиқ ўзаро таъсирини жуда кам потенциал имкониятларини кўрсатди.
Махаллий НЯҚВ ва махаллий стероидларни бирга қўлланилиши ярани битиш жараёнлари муаммосини ошириши мумкин. НАПОФЕНУМ кўз томчиларини қон кетиш вақтини узайтирувчи бошқа дори воситалари билан бирга қўлланиши қон кетиш вақтини ошириши мумкин.

Махсус кўрсатмалар
Пуркалмасин. Беморларга НАПОФЕНУМ кўз томчиларини ютиб юборилмасликлари хақида йул-йурик бериш керак. Беморларга, НАПОФЕНУМ кўз томчилари билан даволаниш вақтида қуёш нурларидан сақланишлари лозимлиги хусусида йул-йурик бериш керак.
НЯҚВ маҳаллий қўлланганда кератит чақиради. Айрим бунга мойил беморларгада НЯҚВни узоқ муддат маҳаллий қўлланиши эпителийни емирилишини, шох пардани юпкалашишини, шох парда эрозиясини.
Шох парда ярасини ёки шох парда перфорациясини чақиради. Бу холатлар кўришга хавф солиши мумкин. Шох парданинг эпителийсини емирилиши белгилари бўлган пациентлар НАПОФЕНУМ кўз томчисини қўллашни дархол тўхтатишлари ва шох парданинг холатини синчков кўзатишлари лозим.
Махаллий таъсир этувчи НЯҚВ яраларни битишини секинлаштириши ёки кечиктириши мумкин. Маълумки, махаллий таъсир этувчи кортикостероид гормонлар хам яраларни битишини секинлаштириши ёки кечиктириши мумкин. Махаллий таъсир этувчи НЯҚВ за махаллий таъсир этувчи стероидлар билан бирга қўлланилиши яраларни битиши билан боғлиқ муаммоларнинг эхтимолини ошириши мумкин.
НАПОФЕНУМ кўз томчиларини анамнезида қон кетишига мойиллиги бўлган беморларда ёки қон кетиш вақтини оширувчи бошқа тиббий препаратларни қабул қилаётган беморларда эхтиёткорлик билан қўллаш керак.
Простагландин аналоглари ва НАПОФЕНУМ кўз томчиларини ёндош равишда қўлланиши жуда хам оз маълумотлар мавжуд. Уларнинг таъсир механизмини эътиборга олиб, бу тиббий препаратларни ёндош қўлланиши тавсия этилмайди.
НАПОФЕНУМ кўз томчилари бензалкония хлорид саклайди, у кўзни таъсирланишини ва юмшоқ контакт линзаларни рангсизланишини чақириши мумкин. Бундан ташқари катарактани олиб ташлаш юзасидан операциядан кейинги даврда контакт линзаларни тақиш тавсия этилмайди. Шунинг учун беморларга, НАПОФЕНУМ кўз томчилари билан даволаш вақтида контакт линзаларни тақмаслик ҳақида маслахат бериш керак.
Ўткир кўз инфекцияси яллиғланишга қарши медикаментларни махаллий қўлланиши оқибатида яширин кечиши мумкин. Ностероид яллиғланишга қарши воситалар микробларга қарши хусусиятларга эга эмас. Кўз инфекцияси юз берган холларда препаратни антибактериал воситалар билан эхтиёткорлик билан қўллаш лозим.
Кесишган сезувчанлик
Непафенакка, ацетилсалицил кислотасига, фенилсирка кислота хосилаларига ва бошқа НЯҚВ га кесишган сезузчанлик эхтимоли бор.
Фертиллик ҳомиладорлик ва эмизиш даври
Фертиллик
НАПОФЕНУМ кўз томчиларининг одамга фертиллигига таъсири йук.
Ҳомиладорлик
Ҳомиладор аёлларда непафенакни қўллаш тўғрисида етарли маълумотлар йук. Ҳайвонларда ўтказилган тадқиқотларда репродуктив токсиклик аниқланган. Одамга нисбатан потенциал хавф номаълум. НАПОФЕНУМ кўз томчилари билан даволашдан кейин ҳомиладор бўлмаган аёлларга тизимли таъсири жуда пастлиги туфайли, ҳомиладорлик вақтида хавф ундан ҳам паст деб ҳисоблаш мумкин. Шундай бўлсада, простагландинлар синтезини ингибирланиши хомиладорликка, эмбрионни/хомилани ривожланишига ва/ёки туғруқ фаолиятига ва/ёки постнатал ривожланишига салбий таъсир қилиши мумкинлиги туфайли, НАПОФЕНУМ кўз томчилари ҳомиладорлик вақтида, ва контрацепциядан фойдаланмайдиган туғруқ ёшидаги аёлларда қўллаш тавсия этилмайди.
Эмизиш даври
Непафенак она сутига чиқарилиши номаълум. Ҳайвонларда ўтказилган тадқиқотларда непафенак каламуш сутига ажралиб чиқиши аниқланган. Бироқ эмизикли болага таъсири кузатилмайди, чунки непафенакнинг эмизикли аёлларга тизимли таъсири жуда кам.
НАПОФЕНУМ кўз томчилари эмизиш даврида қўлланилиши мумкин.
Транспорт воситаларини хайдаш ва механизмларни бошқариш қобилиятига таъсири
Вақтинчалик хира кўриш ёки кўришни бошқа бузилишлари транспорт воситаларини хайдаш ёки механизмидан фойдаланиш қобилиятига таъсир этиши мумкин. Агар кўз томчилар томизилганидан кейин кўриш ҳиралашса, унда бемор кўриш яхшилангунча кутиб туриши, ва шундан кейингина транспорт воситасини бошқариши ва механизмдан фойдаланиши мумкин.

 

Дозани ошириб юборилиши
Кўзга қўлланганда дозани ошириб юборилиши холлари тўғрисида хабар берилмаган. Офталмологияда қўлланганда дозани ошириб юборилишида, ва худди шунга ухшаш бехосдан ютиб юборилганда токсик таъсирини юз бериш эхтимоли кам.
НАПОФЕНУМ кўз томчилари маҳаллий қўлланилганда доза ошириб юборилса кўзни илиқ сув ёрдамида ювиш билан бартараф этилиши мумкин.

 

Чиқарилиш шакли
0,1% кўз томчилари суспензияси, 5 мл дан ҳимоя халқаси билан таъминланган тиқин-томизгич ва бураладиган ҳимоя қалпоқчаси бўлган пластик флаконда. 1 флакон қўллаш бўйича йўриқномаси билан бирга картон пеналда.

 

Сақлаш шароити
Ёруғликдан ҳимояланган жойда, 25ºС дан юқори бўлмаган ҳароратда сақлансин.
Болалардан асранг!

 

Яроқлилик муддати
2 йил. Флакон очилгандан сўнг 1 ой ичида қўллаш мумкин. Яроқлилик муддати ўтгандан сўнг кўлланилмасин.

 

Дорихоналардан бериш тартиби
Шифокор рецепти бўйича берилади.

Vizonat

ТИББИЙ БУЮМНИ ҚЎЛЛАНИЛИШИ
БЎЙИЧА ЙЎРИҚНОМА
«ВИЗОНАТ»
«VIZONAT»

ВИЗОНАТ кўз томчилари.

ТАРКИБИ:
Натрий хлориди 50 мг/мл;
Колидон 12 PF (поливинилпирролидон К12), полиэтиленгликол 400 (ПЭГ), натрий гидрофосфат, , микроглицин (гидроксиметилглицинат 50%), трилон Б, 2-гидроксиэтилцеллюлоза, Полоксамер 188, инъекция учун сув.

ЧИҚАРИЛИШ ШАКЛИ:
Кўз учун томчилар флаконда 8 мл дан.

ВИЗОНАТ – офталмологик гипертоник лубрикант.
Таъсир механизми. Натрий хлориди. Эритманинг керакли осмоляр даражасини ва шишни камайишини таъминлайди.
N-гидроксиметилглицинат аста секин бактериал ҳужайра мембраналарини парчалайди, бактериал эндоген глицин ўрнини эгаллайди, шу билан оқсил синтезини бузади.
Трилон Б Mg+ ва Ca+ нинг ионлари билан мустаҳкам хелатлар ҳосил қилади, бактерия ҳужайралари мембраналарининг барқарорлиги ва яхлитлигини олдини олади. N-гидроксиметилглицинатнинг бактериал ҳужайрага қўшилишига ёрдам беради ва шу билан унинг самарадорлигини оширади.
Колидон 12 PF керакли бириктирувчи вазифани таъминлайди ва осмотик агент ролини бажаради(онкотик босимни таъминлайди).
Полиэтиленгликоль 400 осмотик агент ролини бажаради (онкотик босимни таъминлайди).
Натрия гидрофосфат буфер ҳусусиятларига эга ва рН регулятори сифатида кўз томчиларнинг таркибида кўлланилади.
Полоксамер 188 дори маҳсулотининг таъсирини узайтириш мақсадида ёрдамчи моддалар сифатида ишлатилади.
Микроглицин 50 (гидроксиметилглицинат) ҳимоялаш тизимини таъминлайди, бактериал эндоген глицин ўрнини эгаллайди, шу билан оқсил синтезини бузади.

ҚЎЛЛАНИЛИШИ:
Шоҳ парда шишини профилактикасида:
· жарроҳлик аралашувларда (катарактада; фоторефракцион кератэктомияда, витрэктомияда, кератопластикада, кросслинкингда);
· стромал кератитда;
· диагностик жараёнларда (гониоскопияда, биомикроскопияда);
· шоҳ парданинг эндотелиал дистрофиясида;
· буллез кератопатияда;
· глаукоманинг ўткир ҳуружида;
· контакт линзалардан фойдаланишда.

ҚЎЛЛАШ УСУЛИ ВА ДОЗАЛАРИ:
Конъюнктива қопчасига 1-2 томчидан кунига 4 марта. Томизилгандан сўнг кўзни ёпиб туриб 1-2 дақиқа пирпиратманг.

НОЖЎЯ ТАЪСИРИ:
Қисқа муддатли қичишиш ҳисси, вақтинчалик кўришни ҳиралашуви. Агар сизда исталмаган ноҳуш ҳолатлар юзага келса эритмадан фойдаланишни тўхтатиш ва шифокор билан маслаҳатлашиш керак.

ҚЎЛЛАШ МУМКИН БЎЛМАГАН ҲОЛАТЛАР:
Маҳсулот таркибий қисмларига нисбатан компонентларига юқори сезувчанликда.

БОШҚА ДОРИЛАР БИЛАН ЎЗАРО ТАЪСИРИ:
Тавсифланмаган.

МАҲСУС КЎРСАТМАЛАР:
Агар аломатлар бир неча кун ичида ёқолмаса ёки қандайдур ножўя реакциялар пайдо бўлса шифокорга мурожат қилиш керак.
Эритма флакон очилгунига қадар стерил ҳисобланади.
Эритманинг ифлосланишигайўл қўймаслик учун, флаконни яҳшилаб ёпинг ва дозатор учини кўзингизга ва бошқа предмедларга яқинлаштирманг.
Маҳсулот фақат офтальмологияда ташқи фойдаланиш учун мўлжалланган.
Агар офталмологик эритма даволанишда ишлатиладиган бўлса, шифокордан маслаҳат олиш зарур.
Агар флаконга зарар етказилган бўлса,эритмани ишлатманг.

ОГОҲЛАНТИРИШ:
· ВИЗОНАТ эритмасининг таркибий қисмларидан бирига юқори таъсирчанлик аниқланса фойдаланмаслик керак
· Болалар қўли етмайдиган жойда сақланг.
· Бошқа юмшатувчи томчилар билан аралаштирманг.

ДОЗАНИ ОШИРИБ ЮБОРИЛИШИ:
Ҳозирги кунгача дозани ошириб юборилиши ҳақида маълумотлар мавжуд эмас.

САҚЛАШ ШАРОИТИ:
Ёруғликдан ҳимояланган жойда, 25°C дан юқори бўлмаган ҳароратда сақлансин.

ЯРОҚЛИЛИК МУДДАТИ:
2 йил.
Флакон очилгандан сўнг 1 ой ичида қўллаш мумкин.
Яроқлилик муддати ўтгандан сўнг кўлланилмасин.

Otomiks

ТИББИЁТДА ҚЎЛЛАНИЛИШИГА ДОИР ЙЎРИҚНОМА
ОТОМИКС

Препаратнинг савдо номи: Отомикс
Таъсир этувчи моддалар (ХПН): хлорамфеникол, беклометазон, лидокаин, клотримазол.
Дори шакли: қулоқ томчилари.
Таркиби:
1 мл препарат эритмаси қуйидагиларни сақлайди:
фаол моддалар: хлорамфеникол – 50,0 мг, беклометазон дипропионати – 0,25 мг, лидокаин гидрохлориди – 20,0 мг, клотримазол – 10,0 мг;
ёрдамчи моддалар: глицерин, пропиленгликол.
Таърифи: оч-сариқ рангли тиниқ эритма.
Фармакотерапевтик гуруҳи: ЛОР аъзоларини даволаш учун восита.
АТХ коди: S02CA

Фармакологик хусусиятлари
Фармакодинамикаси
Хлорамфеникол – амфеникол ҳосиласи, кенг таъсир доирасига эга антибиотик, микроб ҳужайрасида оқсил синтезига таъсир қилади. Бактериостатик таъсир кўрсатади. Граммусбат бактериялар: Staphylococcus spp., Streptococcus spp.; грамманфий бактериялар: Neisseria gonorrhoeae, Neisseria meningitidis, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteus spp., Rickettsia spp. га нисбатан фаол; шунингдек Spirochaetaceae га нисбатан хам фаол. Хлорамфеникол пенициллинга, стрептомицинга, сульфаниламидларга чидамли бўлган штаммларга, шунингдек анаэроб микрофлорага нисбатан фаол.
Беклометазон дипропионати – галоген глюкокортикостероид, яллиғланишга қарши, аллергияга қарши ва экссудатив таъсирга эга.
Лидокаин – маҳаллий анестетик, юборилган жойда сезувчан нерв толалари бўйлаб импульс ўтказувчанлигини бузади. Самараси қайтувчан. Маҳаллий анестезия кўпинча иннервация сақланган ҳолда оғриқни пасайтириш учун қўлланилади. Лидокаин кўпинча юза оғриқсизлантириш учун қўлланади, самараси нисбатан тез бошланади ва 6 соат давом этади.
Клотримазол – имидазол ҳосиласи, замбуруғларга қарши таъсир фаоллиги замбуруғларнинг ҳужайра мембранасига қаратилган. Замбуруғларнинг ҳужайра мембранаси таркибидаги эргостерин синтезини бузади, бу ҳужайра деворини шикастланишига олиб келади. Эргостерин – замбуруғларнинг цитоплазматик мембранасининг асосий таркибий қисмидир, клотримазол эргостерин синтезига қўшилади ва унинг таъсири концентрациясига боғлиқдир.
Фармакокинетикаси
Препаратнинг фармакокинетикаси бўйича тадқиқотлар ўтказилмаган.

Қўлланилиши
Қулоқнинг аллергик ва яллиғланиш касалликлари:
– ўткир диффуз ташқи отит;
– ўрта қулоқнинг ўткир отити;
– зўрайиш босқичидаги сурункали отит;
– қулоқда жарроҳлик аралашувидан кейинги ҳолатида қўлланилади.

Қўллаш усули ва дозалари
Маҳаллий қўллаш учун буюрилади. Эритманинг 4-5 томчисини ташқи қулоқ йўлига кунига 3-4 марта томизилади. Яхшиланиш 3-5 кун ичида амалга оширилади. Даволаш курси -7-10 кун.

Ножўя таъсирлари
– ачишиш, препаратни кўллаш жойида қичишиш;
– аллергик реакция.

Қўллаш мумкин бўлмаган ҳолатлар
– препаратнинг компонентларига юқори сезувчанлик;
– 6 ёшгача бўлган болалар;
– қулоқ пардаси бутунлигини бузилишида қўллаш мумкин эмас.

Дориларнинг ўзаро таъсири
Препаратнинг фаол компонентларини тери орқали кам сўрилиши туфайли, дориларнинг ўзаро таъсирининг эҳтимоли кам ҳисобланади.

Махсус кўрсатмалар
Фақат маҳаллий қўллаш учун буюрилади. Кўзга тушишига йўл қўйманг.
Кўзга тушганида уларни сув билан яхшилаб ювиш керак. Агар аҳволни ёмонлашиши кузатилса ёки мунтазам қўлланганидан кейин аҳвол яхшиланмаса, шифокорга мурожаат қилинг.
Ҳомиладорлик ва эмизиш даврида қўлланилиши
Препаратни ҳомиладорлик ва эмизиш даврида буюришни мақсадга мувофиқлиги масаласи шифокор маслаҳатидан кейин индивидуал ҳал қилиниши керак. Агар онага мўлжалланган фойда, ҳомила ва чақалоқ учун потенциал хавфдан устун бўлса буюриш мумкин.
Автотранспортни бошқаришда ёки бошқа механизмлар билан ишлашда реакция тезлигига таъсир қилиш қобилияти
Препаратни қўлланиши автотранспортни ёки потенциал хавфли механизмларни бошқариш қобилиятига таъсир қилмайди.

Дозани ошириб юборилиши
Симптомлари: дозани ошириб юборилишининг эҳтимоли кам, лекин доза беҳосдан ошириб юборилганда ножўя самаралар кучайиши мумкин.
Даволаш: шикастланган соҳани ювиш, симптоматик даволашни ўтказиш керак.

Чиқарилиш шакли
Қулоқ томчилари 5 мл дан шиша идишларга резина қопқоқ билан беркитилган, ва алюминий қопқоқ билан маҳкамланган ёки ҳимоя халқаси билан таъминланган тиқин-томизгич ва бураладиган ҳимоя қалпоқчаси бўлган пластик флаконда. 1 флакон ва полиэтилендан тайёрланган (шиша флакон учун) томчи, қўллаш бўйича йўриқномаси билан бирга картон қутида.

Сақлаш шароити
Ёруғликдан ҳимояланган жойда, 25°С дан юқори бўлмаган ҳароратда сақлансин. Музлатилмасин!
Болалардан асранг!

Яроқлилик муддати
2 йил. Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецепти бўйича.

Rifoto

ТИББИЁТДА ҚЎЛЛАНИЛИШИГА ДОИР ЙЎРИҚНОМА
РИФОТО

Препаратнинг савдо номи: Рифото
Таъсир этувчи модда (ХПН): рифамицин
Дори шакли: қулоқ томчилари
Таркиби:
1 мл препарат эритмаси қуйидагиларни сақлайди:
фаол модда: рифамицин натрий – 26,0 мг;
ёрдамчи моддалар: макрогол 400, аскорбин кислотаси, трилон Б, калий метабисульфит, литий гидроксиди, инъекция учун сув.
Таърифи: қизғиш – олов ранггача бўлган тиниқ эритма.
Фармакотерапевтик гуруҳи: антибиотик (рифамицин гуруҳи).
АТХ коди: S02AA12

Фармакологик хусусиятлари
Оториноларингологияда маҳаллий қўллаш учун рифамицин гуруҳига кирувчи антибиотик. Бактерицид таъсирга эга. Рифамициннинг таъсир этиш механизми бактерияларнинг кўпайишига тўсқинлик қиладиган ДНК га боғлиқ бўлган РНК полимераза билан барқарор комплексни шакллантириш билан боғлиқ. Ўрта қулоқда юқумли яллиғланиш касалликларини ривожланишига олиб келадиган граммусбат ва грамманфий бактерияларнинг аксариятига нисбатан фаолдир.

Қўлланилиши
Ўткир ташқи отит; сурункали ўртача отит кучайиши (шу жумладан қулоқнинг тешилиши мавжудлигида); операциядан кейинги ўрта қулоқдаги ҳолатда қўлланилади.

Қўллаш усули ва дозалари
Катталарда: қулоққа 5 томчидан кунига 3 марта ёки докадан турунда ясаб унга препаратдан шимдириб ташқи қулоққа кунига 2 марта қўйилади.
Препаратни ноғара бўшлиғини аттик канюля орқали чайиш учун ишлатиши мумкин.
Болаларда: қулоққа 3 томчидан кунига 3 марта ёки докадан турунда ясаб унга препаратдан шимдириб ташқи қулоққа кунига 2 марта қўйилади.
Даволашнинг ўртача давомийлиги – 7 кун.

Ножўя таъсирлари
Камдан-кам ҳолларда аллергик тери реакциялари: эшакеми, тери қичишиши, кичик доғли тери тошмаси.

Қўллаш мумкин бўлмаган ҳолатлар
Препаратнинг фаол моддасига ёки ёрдамчи моддаларига юқори сезувчанлик.

Дориларнинг ўзаро таъсири
Кузатилмаган.

Махсус кўрсатмалар
Қулоқ томчиларини ишлатишдан олдин совуқ суюқликнинг қулоққа тушиши билан боғлиқ ёқимсиз ҳис туйғуларни бартараф қилиш учун флаконни қўлингизда ушлаб иситиш тавсия қилинади.
Кийимингизга сачраб кетишидан эхтиёт бўлинг, чунки препарат матода доғ қолдиради. Маҳаллий реакциялар: барабан перепонкасида пушти ранг ҳосил бўлиши, (отоскопияда кўринади).
Ҳомиладорлик ва эмизикли даврида
Препаратни хавфсизлигини, ҳомиладорлик ва лактатция даврида етарлича ва қаътий назорат остида ўтказилмаган.
Ҳомиладорлик ва лактатция даврида она учун потенциал фойда, ҳомилага ва бола учун хавфдан устунроқ бўлса, фойдаланиш мумкин.
Автомобилни ва мураккаб механизмларни бошқариш қобилиятига таъсири
Препаратнинг машина ва бошқа воситаларни ишлатиш қобилиятига салбий таъсири ҳақида маълумот ёқ.

Дозани ошириб юборилиши
Абсорбциянинг паст даражаси туфайли, қон айланиш системасида дозани оширилиб юборилиши кам учрайди.

Чиқарилиш шакли
2,6 % қулоқ томчилари 10 мл дан шиша идишларга резина қопқоқ билан беркитилган, ва алюминий қопқоқ билан маҳкамланган ёки ҳимоя халқаси билан таъминланган тиқин-томизгич ва бураладиган ҳимоя қалпоқчаси бўлган пластик флаконда. 1 флакон ва полиэтилендан тайёрланган (шиша флакон учун) томчи, қўллаш бўйича йўриқномаси билан бирга картон қутида.

Сақлаш шароити
Қуруқ, ёруғликдан ҳимояланган жойда, 25ºС дан юқори бўлмаган ҳароратда сақлансин. Болалардан асранг!

Яроқлилик муддати
2 йил. Флакон очилгандан сўнг 1 ой ичида қўллаш мумкин. Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецепти бўйича берилади

Triodeks fenilefrin bilan

ТИББИЁТДА ҚЎЛЛАНИЛИШИГА ДОИР ЙЎРИҚНОМА
ТРИОДЕКС ФЕНИЛЭФРИН БИЛАН

Препаратнинг савдо номи: Триодекс фенилэфрин билан
Дори шакли: назал спрей
Таркиби:
1 мл препарат эритмаси қуйидагиларни сақлайди:
фаол моддалар: неомицин сулфати – 10,0 мг (6 500 ХБ), полимиксин В сулфати – 10 000 ХБ, дексаметазон натрий метасулфобензоати – 0,25 мг, фенилэфрин гидрохлориди – 2,5 мг;
ёрдамчи моддалар: метилпарабен, литий хлориди, лимон кислотаси, литий гидроксиди, макрогол 400, полисорбат-80, тозаланган сув.
Таърифи: рангсиздан оч-сариқ ранггача бўлган тиниқ эритма.
Фармакотерапевтик гуруҳи: ЛОР аъзолари касалликларини даволаш учун восита.
АТХ коди: R01АХ30

Фармакологик хусусиятлари
Оториноларингологияда махаллий қўллаш учун мажмуавий препарат.
Дексаметазон бурун шиллиқ қаватига яллиғланишга қарши таъсир кўрсатади.
Неомицин ва полимиксин В антибактериал таъсирига эга.
Дексаметазон махаллий қўлланилганда яхши сўрилади, унинг сўрилиши шиллиқ қаватнинг яллиғланиши билан ортиб боради. Ушбу антибиотиклар биргаликда қўшилганида буруннинг қўшимча бўшлиқлари ва бурун шиллиқ қаватининг юқумли ва яллиғланиш касалликларини келтириб чиқарадиган кўпчилик граммусбат ва грамманфий микроорганизмларга антибактериал таъсир доираси кенгаяди.

Қўлланилиши
Бурун бўшлиғи, ҳалқум, буруннинг қўшимча бўшлиқларининг яллиғланиш ва инфекцион касалликлари:
– ўткир ва сурункали ринит;
– ўткир ва сурункали ринофарингит;
– синуситларда қўлланилади.

Қўллаш усули ва дозалари
Катталар: хар бир бурун бўшлиғига бир пуркашдан суткада 3-5 марта буюрилади.
Болалар 2,5 дан 18 ёшгача: хар бир бурун бўшлиғига бир пуркашдан суткада 3 марта буюрилади.
Даволашнинг давомийлиги 5-10 кун.
Қўлланилиш бўйича эхтиёткорлик чоралари
Артериал гипертензия, юрак ишимик касалликлари, гипертиреоидизми бўлган беморларда препарат эхтиёткорлик билан қўлланилади.
Препаратни кўзга тушишидан сақланиш керак.
Препаратни тасодифан кўзга ва бошка шиллиқ қаватларга тушиб қолганида уларни дархол катта миқдордаги сув билан ювиш керак.

Ножўя таъсири
Махаллий аллергик реакциялар содир бўлиши мумкин. Ноодатий реакциялар юзага келган ҳодатларда, препаратни кейинчалик қўллаш мақсадга мувофиқлиги туғрисида шифокор билан маслаҳатлашинг.

Қўллаш мумкин бўлмаган ҳолатлар
– ёпиқ бурчакли глаукома борлигига шубха қилинса;
– бир вақтда моноаминооксидазалар ингибиторлари билан биргаликда кўлланилиши;
– вирус касалликлари;
– албуминурия, буйрак етишмовчилиги билан кечадиган буйрак касалликлари;
– ҳомиладорлик;
– эмизиш даври;
– болалар ёши (2,5 ёшгача);
– препаратнинг таркибий қисмларига юқори сезувчанликда қўллаш мумкин эмас.

Дориларнинг ўзаро таъсири
Дори воситалари билан ўзаро таъсири таркибида фенилэфрин мавжудлиги билан боғлиқ.
Фенилэфрин диуретикларнинг ва бошқа гипотензив дори воситаларининг гипотензив самарасини туширади (жумладан метилдопанинг, мекамиламиннинг, гуандрел ва гуанетидиннинг). Агар бундай мажмуани четлаб ўтишни иложи бўлмаса, унда шифокор кузатуви зарур.
Препаратнинг бошқа дори воситалари билан клиник жиҳатдан аҳамиятли бўлган ўзаро таъсири кузатилмаган.

Махсус кўрсатмалар
Қўлланилаётганида флакон вертикал, пуркагич тепага қаратилган ҳолатда тутилиши керак.
Бурун бўшлиғини ювиш учун қўллаш мумкин эмас.
Спортчилар диққатига: препаратнинг таркибий қисмлари, допинг назоратида ижобий натижа бериши мумкин.
Ҳомиладорлик ва эмизиш даври
Ҳомиладорлик ва эмизиш даврида қўллаш мумкин эмас.
Автомобиль ва бошка транспорт воситаларини бошқариш қобилиятига таъсири.
Препаратнинг автомобиль ва бошқа транспорт воситаларини бошқариш қобилиятига салбий таъсири туғрисида, маълумотлар йук.

Дозани ошириб юборилиши
Тизимли қон оқимига паст даражада сўрилиши туфайли дозани ошириб юборилиш эҳтимоли кам.

Чиқарилиш шакли
Назал спрей 15 мл дан пуркагич ва ҳимоя қалпоқчаси бўлган, ҳимоя халқаси билан таъминланган пластик флаконда. 1 флакон тиббиётда қўлланилишига доир йўриқномаси билан бирга картон қутида.

Сақлаш шароити
Қуруқ, ёруғликдан ҳимояланган жойда, 25ºС дан юқори бўлмаган ҳароратда сақлансин.
Болалардан асранг!

Яроқлилик муддати
3 йил.
Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецепти бўйича.

Tetrakain-ASP

ТИББИЁТДА ҚЎЛЛАНИЛИШИГА ДОИР ЙЎРИҚНОМА
ТЕТРАКАИН-ASP

Препаратнинг савдо номи: Тетракаин-ASP
Таъсир этувчи модда (ХПН): тетракаин
Дори шакли: кўз томчилари
Таркиби:
1 мл препарат эритмаси қуйидагиларни сақлайди:
фаол модда: тетракаин гидрохлориди 10,0 мг;
ёрдамчи моддалар: натрий хлориди, бензалконий хлориди, натрий гидроксиди ёки хлорид кислотаси, инъекция учун сув.
Таърифи: рангсиз ёки сарғиш тусли тиниқ эритма.
Фармакотерапевтик гуруҳи: маҳаллий оғриқсизлантирувчи восита.
АТХ коди: S01HA03

Фармакологик хусусиятлари
Фармакодинамикаси
Терминал анестезия учун маҳаллий оғриқсизлантирувчи восита. Вольтажга боғлиқ бўлган натрий каналларини блоклайди, бу сезувчан нерв охирларида импульсларнинг генерациясига ва нерв толалари бўйлаб импульсларни ўтказилишига тўсқинлик қилади.
Анестезия шиллиқ қават юзасига томизилганидан сўнг 0,5-1,5 дақиқадан кейин бошланади ва 15-20 дақиқа давом этади.
Фармакокинетикаси
Шиллиқ қаватлар орқали осон ва тўлиқ сўрилади (сўрилиш тезлиги препаратни кўйилган жойига ва дозасига боғлик). Плазма оқсиллари билан боғланиши юқори. Асосан плазмада холинэстераза ёрдамида парааминокислота сақловчи бирикмаларни ҳосил бўлиши билан 1-2 соат давомида ва жигарда тўлиқ гидролизланади. Буйраклар орқали ва сафро билан чиқарилади, бунда қисман жигар-ичак рециркуляциясига учрайди.

Қўлланилиши
Офталмология амалиётида қисқа муддатли операциялар ва муолажаларда юза анастезия учун қўлланилади.

Қўллаш усули ва дозалари
Катталар ва 10 ёшдан ошган болаларга препарат жарроҳлик аралашувдан олдин конъюнктива бўшлиғига 1-2 томчидан (лекин кўпи билан 2-3 томчи) томизилади, зарурати бўлганида операция вақтида қўшимча 1-2 томчи томизилади.

Ножўя таъсирлари
Конъюнктивани ачишиши, санчиш ҳисси, қизариши, ёруғликдан қўрқиш; кам ҳолларда ўткир аллергик реакциялар (некрозга учраган эпителийни ипсимон ҳосилалари ва/ёки катта қисмини кўчиши билан кечувчи ўткир диффуз эпителиал кератит, тарқоқ стромал шиш, кўз шох пардасининг десцемет қаватини яллиғланиши, ирит).
Узоқ муддат қўлланганида шох пардани шикастланиши (кератит, шох пардани барқарор хиралашиши, кўриш ўткирлигини йўқолиши билан кечувчи шох пардада чандиқларни ҳосил бўлиши, эпителизацияни секинлашиши). Ўта юқори сезувчанлиги бўлган беморларда дерматит ривожланиши мумкин.
Тизимли ножўя реакциялар пайдо бўлиши мумкин.

Қўллаш мумкин бўлмаган ҳолатлар
Ўта юқори сезувчанлик (шу жумладан, эфирлар ёки парааминобензой кислотаси гуруҳига мансуб маҳаллий оғриқсизлантирувчи воситалар ва уларнинг ҳосилаларига), шиллиқ қаватларни шикастланиши ёки яллиғланиши, болаларда (10 ёшгача) қўллаш мумкин эмас.

Дориларнинг ўзаро таъсири
Сулфаниламидларнинг микробларга қарши фаоллигини пасайтиради.
Қон томирларини торайтирувчи дори воситалар тетракаиннинг самарасини узайтиради.
Холинэстеразани ингибирловчи препаратлар (антимиастеник, циклофосфамид, инсектицидлар, тиотепа) тетракаиннинг метаболизмини сусайтиради ва унинг заҳарлигини оширади.
Антикоагулянтлар (далтепарин, эноксапарин, гепарин, варфарин) билан бир вақтда қўллаш қон кетишларни ривожланиш хавфини оширади.
Тетракаин ухлатувчи ва седатив дори воситалари билан бир вақтда буюрилганида, уларнинг марказий нерв тизимига сусайтирувчи таъсири кучайиши мумкин.
Моноаминооксидаза ингибиторлари билан бирга ишлатилганида артериал босимни пасайиш хавфи ошади.
Миорелаксацияловчи препаратларнинг таъсирини кучайтиради ва узайтиради.
Бета-адреноблокаторлар тетракаиннинг метаболизмини секинлаштиради.

Махсус кўрсатмалар
Офталмологияда узоқ вақт ёки тез-тез қўлланилмасин (шох пардани шикастланиши хавфи мавжуд).
Томчиларни томизиш вақтида ва томизгандан сўнг кўзнинг медиал бурчагидаги кўз ёш қопчасини бир дақиқага босиш йўли билан препаратни тизимли сўрилишни камайтириш мумкин. Бу томчиларни кўз ёш – бурун канали орқали бурун ва ҳалқум соҳасининг шиллиқ қаватига ўтишини блоклайди. Бу усул айниқса болаларда мақсадга мувофиқдир.
Кўз анестезиясида кўзлар чангдан ва бактериал зарарланишдан ҳимояланиши керак.
Тетракаин билан контактда бўладиган асбоблар ва шприцлар ишқор қолдиқларини сақламаслиги керак (эримайдиган асос ҳосил бўлади).
Жигар ва буйрак фаолиятини бузилишлари бўлган шахсларда қўлланиши
Беморнинг жисмоний ҳолатидан келиб чиқиб, жуда кичик дозаларда қўллаш тавсия этилади.
Педиатрияда қўлланиши
Болаларда препаратни қўллаш хавфсизлиги ва самарадорлиги аниқланмаган. Препаратнинг дозаси болаларда ёши, тана вазни ва ҳолатига мувофиқ равишда танланиши керак. 10 ёшдан кичик бўлган болаларга қўллаш тавсия этилмайди.
Геронтологияда қўлланиши
Кекса ва ёш беморларда препаратни қўллаш самарадорлиги ва хавфсизлигида клиник жиҳатдан аҳамиятли фарқлар йўқ. Бироқ, кекса ёшдаги беморларда препаратга юқори сезувчанлик бўлиши мумкинлигини инкор қилиш мумкин эмас.
Ҳомиладорлик ва эмизиш даврида қўлланиши
Ҳомиладорликда препаратни қўллаш самарадорлиги ва хавфсизлиги аниқланмаган. Ҳомиладорликда препаратни фақат жуда зарур бўлган ҳолатда қўллаш мумкин.
Препаратни кўкрак сути билан ажралиши номаълум. Эмизикли аёлларга эҳтиёткорлик билан қўлланилади.
Автотранспортни ҳайдаш ва механизмларни бошқариш қобилиятига таъсири
Препарат томизилгандан сўнг кўриш ўткирлиги вақтинча йўқолган беморларга, машинани ҳайдаш ва препарат томизилгандан сўнг кўриш ўткирлигини дарҳол талаб қилувчи механизмларни бошқариш тавсия этилмайди.

Дозани ошириб юборилиши
Симптомлари: бош айланиши, астения, цианоз, кўзғалиш, хавотирлик, тремор, тиришишлар, нафасни бузилиши, коллапс, кўнгил айниши, қусиш, кома, атриовентрикуляр блокада, метгемоглобинемия.
Даволаш: препаратнинг қолдиқларини тери ва шиллиқ қаватлардан йўқотиш, меъдани фаоллаштирилган кўмир билан ювиш (зонд орқали), тузли сурги воситалари; нафас сусайганида ўпкани сунъий вентиляцияси, оксигенотерапия, коллапсда вена ичига қон ўрнини босувчилар (тузли эритмалар, гемодез, декстран препаратлари), вазоконстрикторлар (асосан миокардни рағбатлантирувчи воситалар); тиришишларда вена ичига диазепам, метгемоглобинемияда вена ичига 1-2 мг/кг метилен кўки ёки ичга 100-200 мг аскорбин кислотаси буюрилади.

Чиқарилиш шакли
1,0% кўз томчилари 10 мл дан тиқин-томчилагич ва ҳимоя халқаси билан таъминланган бураладиган ҳимоя қопқоқли полиэтилен флаконда. 1 флакон қўллаш бўйича йўриқномаси билан бирга картон қутига жойланган.

Сақлаш шароити
Ёруғликдан ҳимояланган жойда, 25ºС дан юқори бўлмаган ҳароратда сақлансин.
Болалардан асранг!

Яроқлилик муддати
2 йил. Флакон очилгандан сўнг 1 ой ичида қўллаш мумкин. Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецепти бўйича берилади.

Kerotrop

ТИББИЁТДА ҚЎЛЛАНИЛИШИГА ДОИР ЙЎРИҚНОМА
КЕРОТРОП

Препаратнинг савдо номи: Керотроп
Таъсир этувчи моддалар (ХПН): натрий кармеллоза, глицерин
Дори шакли: Keratoprotektorlar
Таркиби:
1 мл препарат эритмаси қуйидагиларни сақлайди:
фаол моддалар: натрий кармеллоза – 5,0 мг, глицерин – 9,0 мг;
ёрдамчи моддалар: эритритол, левокарнитин, барқарорлашган оксихлорокомплекс (натрий хлорит, натрий хлорат, хлор диоксид), натрий гидроксиди ёки хлорид кислотаси, инъекция учун сув.
Таърифи: тиниқ, рангсиз бир оз ёпишқоқ эритма.
Фармакотерапевтик гуруҳи: офталмологияда қўлланиладиган воситалар.
АТХ коди: S01XA20

Фармакологик хусусиятлари
Фармакодинамикаси
Натрий кармеллоза ва глицерин шоҳ парда эпителийсининг ҳимояловчи ҳусусиятига эга бўлиб, кўз ёши суюқлиги секрецияси кам ажралишида шоҳ парда намланишини яҳшилайди ва кўз ёши пардаси барқарорлигини оширади.
Фармакокинетикаси
Фармакокинетик тадқиқотлари инсонларда ўтказилмаган.

Қўлланилиши
«Қуруқ кўз синдроми» ни симптоматик даволашда қўлланилади.

Қўллаш усули ва дозалари
Кўз томчилари зарур холатда конъюнктивал қопчасига 1-2 томчидан томизилади.

Ножўя таъсири
Препаратни қўллашда кўрсатилган частота билан қуйидаги ножўя реакциялар ривожланиши мумкин: жуда тез-тез (≥10%), тез-тез (≥1%, <10%), тез-тез эмас (≥0,1%, <1%); кам (≥0,01%, <0,1%), жуда кам (<0,01%).
Кўриш органи томонидан бузилиши:
тез-тез – конъюнктива гиперемияси, қовоқ гиперемияси, қўришни ҳиралашуви, кўз қуришини ҳис қилиш, томизишда ноқулайлик, кўзнинг қичишиши ва тирнаш хусусияти, қўз қовоқлари четида ҳосил бўлувчи тери қоплами.

Қўллаш мумкин бўлмаган ҳолатлар
· препарат таркибий қисмларига нисбатан компонентларига юқори сезувчанликда;
· 18 ёшгача бўлган болаларда (тажрибада қўллаш мумкин эмас).
Эҳтиёткорлик билан:
Ҳомиладорлик ва эмизиш даврида (чекланган маълумотлар туфайли).

Дориларнинг ўзаро таъсири
Керотропнинг бошқа дорилар билан ўзаро таъсири ҳақида маълумотлар олинмаган.
Препаратнинг «ювилиб» кетиши олдини олиш мақсадида бошқа маҳаллий офтальмологик воситаси буюрилганда Керотроп маҳсулотини томилзилгандаги ва бошка кўз томчиларини томизиш интервали 5 дақиқадан кам бўлмаслиги керак.

Махсус кўрсатмалар
Препарат маҳаллий қўллаш учун мўлжалланган. Флакон оғзини қоплаб турувчи пленканинг бутунлиги бузилган ҳолатда, эритманиг ҳиралашиб қолиши ёки унинг ранги ўзгариш ҳолатларида қўллаш мумкин эмас.
Пипеткани учи билан кандайдур юза қисмларга тегиш мумкин эмас, жумладан конъюнктивага, флакон таркибини ифлосланиб колишидан қочиш учун. Препаратни қўллаб бўлинганидан кейин дарҳол флаконни ёпиш керак.
Препаратнинг яроқлилик муддати, флакон биринчи марта очилганидан сўнг, 30 кун ташкил этади. Агарда сиз кўзингиз атрофида оғриқни ҳис қилсангиз, кўз кўришининг бузилишида, узоқ муддатли гиперимия ёки кўзнинг шиллиқ қаватини таъсирчанлигида шифокорингиз билан маслаҳатлашинг. Шунингдек препаратни қўллашда яҳшиланиш сезилмаса ва ёки сизда салбий ходисалар қайд этилса бу нарсалар 72 соат ичида ўз ечимини топмаса, яна бир маротаба шифокорингиз билан маслаҳатлашиб кўришингизни тавсия этилади.
Транспортни ҳайдаш ва потенциал хавфли фаолиятни амалга оширишга таъсири
Агар инстилляциядан кейин кўз кўриши ҳиралашса траспорт воситасини ҳайдашни ва потенциал хафвли фаолиятга эга бўлган касбларни, диққат эътиборни оширувчи ва психомотор реакцияларни тезлигини тўхтатиш зарур, кўз кўриши тиклангунча.
Огоҳлантириш:
· Керотроп эритмасининг таркибий қисмларидан бирига юқори таъсирчанлик аниқланса фойдаланмаслик керак;
· болалар қўли етмайдиган жойда сақланг;
· бошқа юмшатувчи томчилар билан аралаштирманг.

Дозани ошириб юборилиши
Ҳозирги кунгача дозани ошириб юборилиши ҳақида маълумотлар мавжуд эмас.

Чиқарилиш шакли
Кўз томчилари 10 мл дан ҳимоя халқаси билан таъминланган тиқин-томизгич ва бураладиган ҳимоя қалпоқчаси бўлган пластик флаконда. 1 флакон қўллаш бўйича йўриқномаси билан бирга картон қутида.

Сақлаш шароити
Ёруғликдан химояланган жойда 25°С гача бўлган хароратда сақлансин.

Яроқлилик муддати
2 йил. Флакон очилгандан сўнг 1 ой ичида қўллаш мумкин. Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецепти бўйича берилади.

Otoxol

ТИББИЁТДА ҚЎЛЛАНИЛИШИГА ДОИР ЙЎРИҚНОМА
ОТОХОЛ
OTOXOL

 

Препаратнинг савдо номи: Отохол
Таъсир этувчи модда (ХПН): холин салицилат
Дори шакли: қулоқ томчилари
Таркиби:
1 г препарат эритмаси қуйидагиларни сақлайди:
фаол модда: холин салицилат – 200,0 мг;
ёрдамчи моддалар: глицерин, 96%-ли этанол, хлорбутанол, натрий гидроксиди, инъекция учун сув.
Таърифи: ўзига ҳос хидига эга бўлган оч-сариқ рангли тиниқ эритма.
Фармакотерапевтик гуруҳи: ЛОР аъзоларини даволаш учун восита.
АТХ коди: S02DA

Фармакологик хусусиятлари
Салицилат холини салицил кислотасини ҳосили ҳисобланиб, маҳаллий қўлланилганидан сўнг яллиғланишга қарши ва оғриқ қолдирувчи таъсирга эга. Унинг таъсири простагландинларни синтез бўлишига жавобгар фермент – циклооксигеназанинг фаоллигини тўхтатиши учун асосланган. Салицилат холини тромбоксан ва простациклин синтезини ҳам тўхтатади. Шунингдек микробларга ва замбуруғларга қарши таъсирига эга (кислотали ва ишқорий мухитда). Эритма маҳаллий қўлланилади ва у оғриқни тўхтатади ёки енгиллаштиради. Шиллиқ қаватларга қўлланганида яҳши сўрилади.

Қўлланилиши
Маҳаллий симптоматик даволаш ва оғриқларни бартараф этиш учун:
• ўрта ўткир отитда;
• ташқи отитда, шу жумладан шикастланган отитда ва бегона жисмларни олиб ташланганидан кейинги ҳолатларда;
• қотиб қолган қулоқ чиркини олиб ташлаш амалиётидан аввал юмшатиш учун.

Қўллаш усули ва дозалари
Маҳаллий. Ташқи эшитиш йўлига 3-4 томчидан кунига 3-4 марта томизилади.
Олтин гугурт ажратгичларини тозалаб уларни йўқ қилиш учун тўрт кун давомида кунига икки марта ташқи эшитиш каналига 3-4 томчидан томизилади.
Қулоқ томчиларини ишлатишдан олдин совуқ суюқликнинг қулоққа тушиши билан боғлиқ ёқимсиз ҳис-туйғуларни бартараф қилиш учун флаконни қўлда ушлаб туриб, иситиш тавсия этилади.
Қулоқ томчиларини беморга ёнбошлама бўлиб ётган ҳолатида томизиш керак; бу муолажадан сўнг бемор бир неча дақиқа шу ҳолатни сақлаб туриши лозим. Даволаш курси 10 кундан ошиши керак эмас.
Болаларда ва ёши катта кишиларда: дозалаш тартибини ўзгартиришга ҳожат йўқ.

Ножўя таъсирлари
• аллергик реакциялар;
• узоқ муддатли фойдаланиш билан бирга қулоқни перфорацияси бўлган беморларда эшитиш функциясини бузилиши ҳам юз бериши мумкин.

Қўллаш мумкин бўлмаган ҳолатлар
• холин салицилатга ва препаратнинг бошқа таркибий қисмларига юқори сезувчанлик;
• бронхиал астма, крапивница, ўткир ринит, ацетилсалицил кислотани қўллаш билан боғлиқ бўлган ёки бошқа ностероид яллиғланишга қарши воситаларда;
• қулоқнинг бутунлигини бузилишларида.
Эҳтиёткорлик билан:
• аллергик («поллиноз) ринит, бурун йўллари шиллиқ қаватларининг полиплари;
• ҳомиладорликда, лактация даврида, болалар ёши (1 ёшгача);
• тўлиқ ёки тўлиқ бўлиб бирлашмаган бронхиал астмаларда ва ацетилсалицил кислотани муросасизликда ёки бошқа НЯҚП (анамнез ҳолатида).

Дориларнинг ўзаро таъсири
Бошқа яллиғланишга қарши, иссиқ тушурувчи ва анальгетик дорилар таъсирини кучайтиради.

Махсус кўрсатмалар
Автотранспортни бошқаришда ёки бошқа механизмлар билан ишлашда реакция тезлигига таъсир қилиш қобилияти
Отохол препарати қўлланилганда автотранспорт ёки потенциал хавфли механизмларни бошқариш қобилиятига таъсир қилмайди.
Ҳомиладорлик ва эмизиш даврида қўлланилиши
Ҳомиладорлик ва эмизиш даврида қўлланилмаслиги тўғрисидаги маълумотлар мавжуд эмас.
Жигар фаолияти бузилган ҳолатларда қўлланилиши
Жигар фаолияти бузилган беморлар учун дозалаш режимини ўзгартиришга ҳожат йўқ.
Буйрак фаолияти бузилган ҳолатларда қўлланилиши
Буйрак фаолияти бузилган беморлар учун дозалаш режимини ўзгартиришга ҳожат йўқ.
Болаларда қўлланилиши
Болаларда қўлланилмаслиги тўғрисидаги маълумотлар мавжуд эмас.
Кекса ёшда бўлган беморларда қўлланилиши
Кекса беморлар учун дозалаш режимини ўзгартиришга ҳожат йўқ.

Дозани ошириб юборилиши
Препаратнинг дозасини оширилиб юборилиши тўғрисидаги маълумотлар мавжуд эмас.

Чиқарилиш шакли
Қулоқ томчилари 10 г дан тиқин-томчилагич ва ҳимоя халқаси билан таъминланган бураладиган ҳимоя қопқоқли полиэтилен флаконда. 1 флакон қўллаш бўйича йўриқномаси билан бирга картон қутида.

Сақлаш шароити
Қуруқ, ёруғликдан ҳимояланган жойда, 25ºС дан юқори бўлмаган ҳароратда сақлансин.
Болалардан асранг!

Яроқлилик муддати
2 йил. Флакон очилгандан сўнг 1 ой ичида қўллаш мумкин. Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецептисиз берилади.

Atropin-ASP

ТИББИЁТДА ҚЎЛЛАНИЛИШИГА ДОИР ЙЎРИҚНОМА
АТРОПИН-ASP

Препаратнинг савдо номи: Атропин-ASP
Таъсир этувчи модда (ХПН): атропин
Дори шакли: кўз томчилари
Таркиби:
1 мл препарат эритмаси қуйидагиларни сақлайди:
фаол модда: атропин сульфати 10 мг;
ёрдамчи моддалар: натрий метабисульфити, натрий хлориди, натрия гидроксиди ёки хлорид кислотаси, инъекция учун сув.
Таърифи: тиниқ, рангсиз эритма.
Фармакотерапевтик гуруҳи: кўз мидриатик восита.
АТХ коди: S01FA01

Фармакологик хусусиятлари
Фармакодинамикаси
Атропин сульфати сўлак ва бошқа безларнинг секрециясини камайтиради, тахикардияни чақиради, атриовентрикуляр ўтказувчанликни яхшилайди, силлиқ мушакли аъзоларнинг тонусини пасайтиради, қорачиқни яққол кенгайтиради (бунда кўз ички босими ошиши мумкин), аккомодация фалажини чақиради.
Таъсир механизми м-холинрецепторларни атропин томонидан танлаб блокланиши билан боғлиқ (н-холинорецепторларга кам даражада таъсир қилади) бўлиб, натижада охиргилар ацетилхолинга сезгир бўлмай қолади, у парасимпатик нервларнинг постганглионар охири соҳасида ҳосил бўлади. Атропинни холинорецепторлар билан боғланиш хусусияти унинг молекуласида унга эндоген лиганда – ацетилхолин молекуласи билан яқинликни берувчи фрагментнинг борлиги билан изоҳланади. Атропин билан кенгайтирилган қорачиқ холиномиметик воситалар инстилляция қилинганида тораймайди. Максимал мидриаз 30-40 минутдан кейин юз беради ва 7-10 кун давомида сақланади, аккомадация фалажи мувофиқ равишда 1-3 соатдан кейин юз беради ва 8-12 кунгача сақланади.
Атропиннинг тизимли самараси унинг антихолинергик (холинолитик) таъсири билан боғлиқ ва сўлак, меъда, бронхиал, тери безларини, меъда ости бези секрециясини сусайишини, юрак қисқаришларини (n.vagusнинг юракка тормозловчи таъсири камаяди) тезлашишини, силлиқ мушакли аъзоларнинг (бронхиал дарахти, қорин бўшлиғи аъзолари ва бошқалар) тонусини пасайшини ўз ичига олади.
Гематоэнцефалик тўсиқдан ўтиб атропин марказий нерв тизимига таъсир кўрсатади. Паркинсонизм бўлган беморларда мушак тонусини ва треморни камайтиради (марказий холинолитик таъсир), терапевтик дозаларда атропин нафас марказини қўзғатади, атропиннинг юқори дозалари харакатланувчи ва руҳий бузилишлар, тиришишлар, галлюцинацинатор ҳолатлар, нафас фалажини чақиради.
Фармакокинетикаси
Кўз томчилари ютиб юборилганда, кўз ёши канали орқали бурун ҳалқумга тушган атропиннинг тизимли таъсирини ҳисобга олиб, препарат овқат ҳазм қилиш йўлларидан тез сўрилади, препаратнинг биокираолишлиги 50% ни, ярим чиқарилиш даври 13-38 соатни ташкил қилади, атропиннинг 50% қоннинг плазма оқсиллари билан боғланади, жигарда метаболизмга учрайди, 50% ўзгармаган ҳолатда буйрак орқали чиқарилади.

Қўлланилиши
Кўз тубини текшириш учун, қорачиқни диагностик кенгайтириш, кўзни ҳақиқий рефракциясини аниқлаш мақсадида аккомодацияни фалажига эришиш учун, яллиғланиш касалликларини, кўз жароҳатлари ва эмболияларини, тўр парданинг марказий артерияси спазмларини мажмуавий даволаш учун қўлланилади.

Қўллаш усули ва дозалари
Даволаш мақсадида катталар ва 7 ёшдан катта болаларга 1-2 томчидан кунига 2-6 марта қўлланади. Атропиннинг таъсирида кўз қорачиғини максимал кенгайиши, кўз мушакларини бўшашишига ёрдам берувчи ва патологик жараённинг регрессия синитезлаштирувчи кўз қорачиқларини максимал кенгайиши 30-40 минутдан кейин, мидриаз – 7-10 кун, аккомадация фалажи мувофиқ 1-3 cоатдан ва 8-12 кундан кейин кузатилади.

Ножўя таъсирлари
Маҳаллий таъсири: қовоқлар терисини қизариши, конъюнктива, қовоқлар ва кўз соққасини гиперемияси ва шиши, фотофобия, мидриаз, аккомодация фалажи, кўз ички босимини ошиши.
Тизимли таъсири: оғизни қуриши, тахикардия, ичак атонияси, қабзиятлар, сийдикни тутилиши, қовуқ атонияси, бош oғриғи, бош айланиши, тактил сезувчанликни бузилиши, тана ҳароратини ошиши, уйқучанлик, аллергик реакциялар.
Натрий метабисульфати мавжудлиги туфайли аллергик реакциялар ривожланиши мумкин.

Қўллаш мумкин бўлмаган ҳолатлар
Атропин сульфатига юқори сезувчанлик. Ёпиқ бурчакли глаукомада ишлаш мумкин эмас.

Дориларнинг ўзаро таъсири
Атропин-ASP моноаминоксидаза ингибиторлари билан бирга қўлланганида юрак ритмини бузилиши, хинидин, новокаинамид билан – холинолитик самарасини кучайтириши кузатилади.

Махсус кўрсатмалар
Препарат конъюнктива бўшлиғига томчи кўринишида юборилганида, эритмани кўз ёши каналларига тушишидан ва уни сўрилишидан сақланиш учун, кўз ёши йўлларини, босиш керак. Атропин-ASP офтальмология амалиётида энг аввало даволаш мақсадида қўллаш мақсадга мувофиқдир, диагностика мақсадида эса – кам давомли таъсирга эга мидриатикларни, хусусан гоматропинни (максимал мидриаз – 40-60 минутдан кейин, кўз қорачиғини кенгайиш давомийлиги ва аккомадация фалажи -1-2 кунни ташкил этади) қўллаш яхшироқдир.
Субконъюнктивал ёки парабульбар юборилганда тахикардияни камайтириш учун валидолни тил тагига қабул қилиш буюрилади.
Атропин-ASP қўллаш вақтида контакт линзаларни қўллаш тўғрисидаги маълумотлар йўқ.
Атропин-ASP томчиларини кекса ёшдаги (60 ёшдан катта) пациентларда эҳтиёткорлик билан қўллаш лозим.
Даволашда яна ҳар қандай кўз томчиларини қўллаш зарурати туғилган ҳолларда, кўз томчиларини томизиш орасидаги интервал камида 15 минут бўлиши керак.
Ҳомиладорлик ва эмизиш даврида қўлланилиши
Ҳомиладорлик даврида препаратни фақат она учун кутилаётган фойда, ҳомила учун потенциал хавфдан устун бўлгандагина буюрилади.
Эмизиш даврида кўз томчиларини онага қўлланганда тизимли самаралари ривожланиши мумкинлиги билан бирга, атропин кўкрак сутига ўтади ва болада нафасни сусайиши ва уйқучанликни чақириши мумкин.
Педиатрияда қўлланиши
7 ёшгача бўлган болаларда қўлланилмасин. Болаларга препарат паст концентрацияларда (0,125%, 0,25%, 0,5%) буюрилади.
Автотранспортни бошқаришда ёки бошқа механизмлар билан ишлашда реакция тезлигига таъсир қилиш қобилияти
Даволаш вақтида автотранспортни бошқариш ва юқори концентрацияни, психомотор реакциялар тезлигини ва кўриш аниқлигини талаб этувчи бошқа потенциал хавфли фаолият турлари билан шуғулланишдан сақланиш лозим.

Дозани ошириб юборилиши
Препарат яхши ўзлаштирилади, алоҳида ҳолларда ножўя таъсирлари кучайиши мумкин.
Даволаш: симптоматик даволаш ўтказилади.

Чиқарилиш шакли
1,0% кўз томчилари 5 мл дан тиқин-томчилагич ва ҳимоя халқаси билан таъминланган бураладиган ҳимоя қопқоқли полиэтилен флаконда. 1 флакон қўллаш бўйича йўриқномаси билан бирга картон қутига жойланган.

Сақлаш шароити
Қуруқ, ёруғликдан ҳимояланган жойда, 25ºС дан юқори бўлмаган ҳароратда сақлансин. Болалардан асранг!

Яроқлилик муддати
2 йил. Флакон очилгандан сўнг 1 ой ичида қўллаш мумкин.
Яроқлилик муддати ўтгандан сўнг кўлланилмасин.

Дорихоналардан бериш тартиби
Шифокор рецепти бўйича берилади

Virostav

ТИББИЁТДА ҚЎЛЛАНИЛИШИГА ДОИР ЙЎРИҚНОМА
ВИРОСТАВ

 

Препаратнинг савдо номи: Виростав
Таъсир этувчи модда (ХПН): идоксуридин
Дори шакли: кўз томчилари
Таркиби:
1 мл препарат эритмаси қуйидагиларни сақлайди:
фаол модда: идоксуридин – 1,0 мг;
ёрдамчи моддалар: борат кислотаси, бензалконий хлориди, натрий гидроксиди, инъекция учун сув.
Таърифи: тиниқ, рангсиздан оч-сариқ ранггача эритма.
Фармакотерапевтик гуруҳи: вирусларга қарши восита.
АТХ коди: S01AD01

Фармакологик ҳусусиятлари
Фармакодинамикаси
Идоксуридин – ҳужайра ичида фосфорлангандан кейин вируснинг ДНК-сига келиб бирикади, натижада бу ДНК нуқсонли бўлиб қолади ва шикастланишга янада моил бўлади; транскрипцияларнинг бузилиши натижасида нуқсонли оқсиллар пайдо бўлади. Фаолият асосан ДНК-таркибли вирусларга қарши қаратилган (оддий герпес ва сувчечак).
Фармакокинетикаси
Идоксуридин – шох пардага ёмон сўрилади. Тизимли киритилгандан кейин тезда (бир неча дақиқа давомида) йодурацилга, кейин эса урацилга ва йодидга айланади.

Қўлланилиши
Herpes simplex томонидан қўзғатилган кератит ва кератоконъюнктивит (юзаки шакли). Шох парда эпителийсининг юқумли шикастланиши, айниқса шохсимон ярада қўлланилади.

Қўллаш усули ва дозалари
Конъюнктивал. Кун давомида ҳар соат 1 томчидан конъюнктива бўшлиғига ва кечаси ҳар 2 соатда; барқарор яхшиланишдан кейин – кун давомида ҳар 2 соатда ва кечаси ҳар 4 соатда томизилади. Даволаниш тўлиқ шифо топгандан кейин 3-5 кун давом этади, бу шоҳ пардада флуоресцен бўёғи йўқлиги билан тасдиқланади.
Даволаниш муддати – 21 кундан ошмаслиги керак.

Ножўя таъсирлари
Вируслар ва токсик таъсирларга чидамли штаммларнинг пайдо бўлиши.
Маҳаллий: тирнаш ҳусусияти, оғриқ, қичишиш, яллиғланиш ёки кўз қовоқларнинг шишиши, фотофобия, шох парданинг нуқтали нуқсонлари даволанишдан бир неча кун ўтгач пайдо бўлади (препаратни қўллаш тўхтатилганидан кейин ёқолади).
Мумкин: юзаки диффуз кератит, шох парданинг эпителийси ҳиралашиши, жароҳатларнинг тузалишини кечикиши, конъюнктивада чандиқлар пайдо бўлиши, фолликуляр конъюнктивит, ёғсимон безни тусиб қўйиши ва контакт дерматит, аллергик конъюнктивит ва блефарит, хаддан ташқари кўз ёш оқиши, аккомодацияни спазми.

Қўллаш мумкин бўлмаган ҳолатлар
Препаратнинг таркибий қисмларига нисбатан юқори сезувчаликда қўллаш мумкин эмас. Ирит, чуқур кератит шакллари билан – эҳтиёткорлик билан қўлланилсин.

Дориларнинг ўзаро таъсири
Глюкокортикостероидлар тизимли ножўя таъсир қилиш хавфини оширади, вирусларга қарши фаолликни камайтиради.
Терапевтик дозаларда бор кислотаси билан биргаликда қўлланилганда конъюнктивитнинг ривожланиш эҳтимоллиги ошади.

Махсус кўрсатмалар
Терапевтик мақсадларда глюкокортикостероидлар билан аралаштириш тавсия этилмайди. Ёруғликдан фобиянгиз бўлса қуёшдан сақлайдиган кўзойнак тақиш керак ва ёрқин нурнинг узоқ вақт давомида таъсиридан сақланинг.
Шох парда чуқур шикастланган беморларга тавсия этилмайди (соғайишни секинлаштириши мумкин).
Препаратни томизишдан олдин контакт линзаларни олиб ташлаб 15 дақиқадан кейин тақиш тавсия этилади.
Ҳомиладорлик ва эмизиш даврида қўлланиши
Потенциал концерогенлик, теротогенлик ва мутагенлик туфайли, ҳомиладорлик ва эмизиш вақтида фойдаланиш мумкин эмас.
Педиатрияда қўлланилиши
Чақалоқларда ва ёш болаларда фойдаланиш мумкин эмас.

Дозани ошириб юборилиши
Аломатлар: маҳаллий бўлиши мумкин («ножўя таъсирлари» га қаранг). Дозани ошириб юборилиши сабабли жиддий тизимли реакциялар аниқланмади (бироз тизимли биокириш натижасида ва қон тизимидан тез чиқиб кетиши туфайли препарат маҳаллий қўлланилганда нисбатан кенг терапевтик индексга эга).

Чиқарилиш шакли
0,1 % кўз томчилари 10 мл дан ҳимоя халқаси билан таъминланган тиқин-томизгич ва бураладиган ҳимоя қалпоқчаси бўлган пластик флаконда. 1 флакон қўллаш бўйича йўриқномаси билан бирга картон қутида.

Сақлаш шароити
Қуруқ, ёруғликдан ҳимояланган жойда, 8°С дан 15°С гача бўлган ҳароратда сақлансин.
Болалардан асранг!

Яроқлилик муддати
2 йил. Флакон очилгандан кейин 1 ой ичида қўллаш мумкин. Яроқлилик муддати ўтгандан кейин кўлланилмасин.

Дорихоналардан бериш тартиби
Шифокор рецепти бўйича берилади.